Primièr representacion amb la camisa
Los Castellers de París an fach lor primièr représentacion amb la camisa oficiala ! Lo 5 de Març de 2016 a Avon (Illa de França), e malgrat lo freg, avèm fach una fòrça bona prestacion.
La demonstracion s’es tengut gràcias als ligams entre lo Casal Catalan de París e los Castellers de París. Era en seguida de la « calçotada » anuala que an organizat.
Avèm retrobat sus la plaça de la vila d’Avon lo 1èr Collòqui del Conselh Francés de las Confrarias a Avon. Es alà que avèm començat l’espectacle amb un pd4 caminat fins a l’ostal de la comuna d’Avon, seguit d’un pd4ps cargat e descargat sens problèma. Per acabar la session sus la plaça, avèm fach una temptativa desmontada de 2d5.
Avèm enfin rejonch la Sala Parroquiala de Bois Fleuri per acabar nostra prestacion. Aici avèm tornat lo 2d5, aquel còp cargat e descargat. La representacion va seguir amb una temptativa de 3d5 net, un 3d5a, un 3d5, dos pd4 simultanèus e un pd4ps per acabar.
Sèm plan contents d’aquesta representacion que nos ajuda a nos consolidar, a egalar nòstre melhor gèst. Aquesta jornada nos demòstra que si contunham a trabalhar aital, poirem contunhar a créisser.